Fikmin # LEPAT MILIH #
Monster uteuk keur ngaheneng nyarandè dina tangkal kiara badag. Nyangsaya bari ngalèhlèh. Babaturanna ngaliwat, nempo nu keur nyarandè, ngarandeg ngadeukeutan.
“Manèh kunaon mon, jika nu leuleus kitu?”
“Teuing atuh euy, padahal asa euweuh nu salah ti isuk – isuk tèh. Geus saluyu jeung papagon”
Babaturan monster uteuk nu ngaranna Monsèp alias monster kasèp karunyaeun, “Geus manggih uteuk poè ieu Mon?”
“Puguh wè monsèp, geus tilu sirah di suruput ti tadi isuk”
“Euleuh geuning, cukup atuh”
Monster uteuk nuluykeun, “Ngan pas nyuruput uteuk nu katilu, asa bèda. Boa – boa èta nya? Nu matak laleuleus tèh.”
“Tah tah tah, saha ngaran jelemana nu disuruput tèh?”
“Poho euy, tapi lemburna mah di tutugan leuwi larangan, nu panonna bolotot rada gembil”
Monsèp ujug – ujug ngagakgak nepi kagugulitikan, “Hahaha pasti nyuruput sirah Si Èho”
“Jelema èta mah teu boga uteuk, lèho kabèh saawak-awak, heu heu heu heu!”.
Monster uteuk ngaheunggeu tuluy kapiuhan. (AKW).
Leave a Reply