CIREBON, akwnulis.com. Setelah tuntas menghitung jumlah totol yang ada di tubuh rusa dan menikmati seduhan kopi tapi bentuknya teh celup seperti pada tulisan NGOPI rasa NGETEH. Maka sambil bergerak menyusuri jalan tol Cipali, jemari menari untuk menulis sebuah cerita singkat berbahasa sunda, fikmin Sunda.
Silahkan…
FIKMIN # HAYANG GANCANG #
Bada magrib ti Sumedang numpak si kukut, Honda win100. Ngaliwatan cadas pangeran mimiti pras pris, patalimarga lancar jadi bisa kekebutan. Asup ka wewengkon Tanjungsari ngarandeg, motor dilaunan.
Maju saeutik tapi mobil jeung motor ngahunted, eureun. Hatè mimiti ratug, sieun teu kaudag jadwal ‘night dinner‘ jeung bèbènè. Mangkaning geus omat-omagan, “Datang telat deui, pegat.”
Ngahuleng bari ningalikeun jalan nu pinuh ku mobil jeung motor. Keur kitu aya sora ambulan, “Ngiung… ngiung.. ngiung.. ngiung.”
Teu loba carita, langsung taki-taki rèk ngilu tukangeun ambulan.
Teu lila ambulan datang, uing sayaga. Ambulan ngaliwat, honda win100 asup tukangeunnana. Ngilu rombongan.
Ambulan tarik lumpatna nepika honda win100 gogoakan bèakeun tanaga. Tapi teu bisa ujug-ujug eureun misahkeun manèh tina rombongan da geuning ambulan tèh konvoi kana tiluna. Jadi tukangeun motor aya 2 ambulan deui. Paingan sora sirineuna loba.
Ngerèm teu bisa bisi katubruk, ukur bisa ngagas wè sakuat tanaga, ngungudag ambulan. Hatè beuki ratug sieun cilaka.
Cag.
***
Begitulah coretan kata kali ini, agak pusing juga ngetik di handphone sambil mobil bergerak cepat. Udah ah ngetiknya. Hatur nuhun, Wassalam(AKW).
Kakara nyaba meuntas nagara, teu ngimpi – ngimpi acan bisa ngalanglang buana numpak kapal udara. Rasa atoh jeung geumpeur pacampur komo nalika rèk numpak kapal. Sagala dipariksa, beubeur dilaan. Kapaksa nyekelan calana logor meunang nginjeum ti Jang Uta.
Dina kapal udara, beuteung ngusial tapi sieun ka jambanna. Antukna genep jam leuwih tipepereket, nahan nu sabrol-brolna. Kèsang badag kèsang lembut geus teu kaampeuh.
Turun tina kapal udara teu sirikna notog notogkeun manèh, panon rambisak geus teu kuat. Biwir babacaan, duh Gusti pasihan kakiatan.
Pelepes…
Alhamdulillah di hareupeun aya toilet. Lumpaaat. Nèang bilik nu kosong, sup porosot gèk, “brooottt!”
Eusi peujit surak bisa liwat.
Pas rèk cècèwok geuning euweuh semprotan cai. Nu aya gulungan tisu. “Aduh kumaha ieu?” Hareupeun wèsè tinggerendeng sora, jigana nungguan. Geus ah nèkad wè, tisu dirawu tuluy dipakè nyusutan. Diilikan tèh konèng kolot, nyegak deuih. Buru-buru makè calana sanajan karasa ramètèk dimamana. Cag.
CIMAHI, akwnulis.com. Setelah berjibaku dengan kesibukan sehari-hari yang seolah tiada henti, maka ada saatnya untuk sejenak rehat dan menarik nafas serta menjauh dari riuh kesibukan. Meskipun hanya sesaat tapi bisa menghasilkan sesuatu yang tidak hanya tersirat namun tersurat.
Menulis singkat menjadi obat dalam mengurangi rasa penat. Lebih spesifik lagi dengan genre cerita fiksi berbahasa daerah yang secara idealis berbicara tentang kata pelestarian dan semoga bahasa daerah tetap abadi.
Selamat menikmati :
FIKMIN # LOTÈNG #
Teu pira pèdah tadi beurang ngahèotan Nyi Acah basa ngaliwat di buruan. Jikan samutut timburuan, biwir baketut bari jubras jebris. Dahareun beurang leungit tina mèja, ukur cai hèrang sabekong.
Teu loba carita da rumasa boga dosa, nguliwed ka tukang nèang gobang, rèk dipakè nuar tangkal nu geus nampeu kana kandang hayam.
Nepi ka adzan magrib, pamajikan angger samutut bari miceun beungeut mun pasalia. Rungsing.
Bada isya Jikan nyalukan, “Kadieu Bah” Teu talangkè tuluy dideukeutan.
“Candak kampuh di lomari lotèng”
“Mangga geulis” Asa atoh Jikan geus nitah deui.
Nètè tètècèan asa bèda rarasaan, komo pas geus tepi ka loteng, poèk meredong. Hapè dihurungkeun lampuna. Klik.
Gebeg tèh, gigireun kampuh ngajentul nu cawigwig baju bodas.
“Geus ulah ganggu, dihandap leuwih pikasieuneun”
Nu cawigwig diliwat, kampuh dibawa. Nyi Kunti ngahuleng teu puguh rasa. Bah Gugun turun muru ka Jikan. Nyi Kunti carinakdak, ngiles lalaunan.
***
Hanya ilustrasi / Dokpri.
Catatan : Mungkin ada kalimat dan kata yang sulit dicerna, itulah saatnya membuat tanya dan hadirkan di kolom komentar yang tersedia.
Bisa juga ditanyakan dikala jumpa, ditemani secangkir kopi untuk meraih bahagia. Wassalam(AKW).
Tepang munggaran dina raraga gempungan ngolah nagri. Ngokolakeun kumaha tiasa janten bongbolong pikeun nyalurkeun bantosan ka palawargi nu keuna ku lini, tug dugi kiwari teu acan kènging bantosan sailaharna.
Dicobian numpak motor nganggè ban cucuk, lumayan bantosan tiasa disebar. Aya ogè nu dijingjing bari mapah. Tapi anu kahalangan ku urug mah, orokaya nikreuh sesah, ngorondang asa piraku. Badè kana hèlikopter da teu gaduh waragadna.
Tah gempungan èta nu nambih sumanget, sanaos di posko pikèt sesah cai sesah bobo. Aya nu nyarengan, imut nu camperenik meuni sesah leupas tina kongkolak.
Komo waktos mungkas obrolan sonten kamari, wirèhna tos sataun dikantun carogèna anu tolohèor. Sumanget langkung ngagedur.
“Mang, engkè wengi gempungan deui, badanten sareng rèlawan kanggè distribusi bantosan ka lembur sisi leuweung tutupan“
“Siaap” Ngawaler tatag bari curinghak, asa mobok manggih gorowong, bakal tiasa tepang sareng anjeunna. Nu camperenik tur resik.
CIMAHI, akwnulis.com. Hari minggu adalah saanya ‘me time‘ dan ‘family time‘. Caranya sederhana kok, cari aktifitas murah meriah, atau cari aktifitas ekonomis dinamis terukur yaitu jalan kaki pagi-pagi tapi jangan bawa duit ataupun dompet. Dijamin bisa berolahraga ringan sesuai target yaitu 6 ribu langkah saja. Insyaalloh tidak akan terpengaruh oleh lapak yang jualan karena tidak bawa dompet dan uang cash, kalaupun mau pake QRIS akan berabe karena rata-rata masih cash. Maka nilai ekonomis dan efisien akan terjadi, sesekali atuh memeditti eh mengoretti*) diri sendiri.
*)memeditti / mengoretti : pelit pada diri sendiri (bhs sunda maksa)
Soalnya kalau bawa duit cash akan merusak program jalan kaki ini. Tidak terjadi defisit kalori malah sebaliknya surplus kalori masuk ke dalam tubuh. Jalan kaki hanya menghasilkan pembakaran 400 sampai 500 kalori, tapi ngebaso dan kari sapi ditambah segelas besar es kopi susu itu menghasilkan 3 x lipatnya. Alamak menggendats dong.
Nah, selain itu hari libur juga adalah saatnya menulis. Seperti biasa tulisan singkat berbahasa sunda dengan maksimal 150 kata sudah menjadi satu pesan cerita. Tentang temanya nanti kita bahas di paragraf terakhir bagi yang kesulitan mengartikan bahasa sunda, monggo silahkan…..
FIKMIN # MILARI #
Murangkalih nu pangalitna yuswa 4 taun kènging pakanci ti sakola. Asa janten buah simalakama. Dikantun di bumi nyalira palaur, ari dicandak berabè.
Saatos sawengi jeput badanten sareng carogè, dicandak putusan, Si bungsu samentawis ngiring ka tempat damelna carogè.
Shubuh kènèh murangkalih tos gugah, netepan teras ibak nyalira. Sarapan teras angkat sareng bapana.
Pasosonten si bungsu uih, katingal rarayna alum, teu jiga ènjing – ènjing nu jigrah tur lincah.
“Kunaon nèng, manyun waè?”
Teu aya walèran, ngadon ngagidig ka enggon. Nangkuban dina kasur. Bapana ngawaler, “Tadi meuni isin di kantor, mèja nu rèrèncangan ogè meja ibu bos diawut-awut, saurna milari artos”
Anak ikut ngantor / Dokpri.
Uing ngagebeg, naha murangkalih janten kitu. Kedah ditalèk ieu mah, “Nèng naha tadi ngabongkaran mèja Abi ogè mèja bosna Abi?”
Si bungsu bari ingsreuk-ingsreukan nyarios, “Mung bantos Abi milari artos, pan upami biasana Abi nyarios ka kantor tèh milari artos, tapi tadi teu mendak, kalahka Ènèng diseuseulan.”
****
Itulah kumpulan kata menjadi satu cerita dengan judul MENCARI (milari). Tema yang diusung sebetulnya dimulai dari ide sederhana yang muncul dari celotehan lucu anak semata wayang.
Intinya adalah tingkah anak kecil balita yang libur sekolah di PAUD dan ‘terpaksa‘ ikut ayahnya bekerja karena tidak bisa ditinggal di rumah, sebab ibunya juga bekerja di tempat berbeda.
Alhasil di kantor ayahnya, si balita berulah dengan membongkar meja kerja ayahnya, rekan kerja ayahnya juga bos ayahnya dengan tujuan mencari uang.
Setelah diklarifikasi ternyata semua diawali dari pernyataan ayahnya setiap mau pergi kerja yaitu : “Ayah berangkat dulu kerja ya, mau cari uang buat ade kecil”
Maka si balita insisiatif bantu ayahnya cari uang di kantor ayah, meskipun ternyata begitu syuliiit (lupakan reihan…) karena memang itu adalah sebuah ungkapan bukan arti cari uang sebenarnya di laci meja kerja.
Jadi hikmahnya, hati-hati memberi pernyataan kepada anak kita supaya bisa dimaknai dengan sejelas-jelasnya. Beda pemahaman antara anak dan remaja atau orang dewasa. Jadi mulai sekarang sampaikan bahwa pergi ke kantor itu bukan mencari uang tapi mencari kerjaan hehehehe.
BANDUNG, akwnulis.com. Pagi menjelang dan mentari bergerak memberi terang. Sebuah ide menulis hadir di kepala dan tak perlu banyak pertimbangan, segera eksekusi dengan jari dan dirapihkan oleh mata. Itulah berkah pemberian Illahi yang harus kita syukuri.
Tulisannya bisa apa saja, namun sebuah tema besar perlu tetap dijaga. Maka blog ini dijaga konsistensinya dalam 2 koridor besar tema yaitu Ngopay dan Ngojay serta tema kedua adalah tulisan singkat fiksi berbahasa sunda.
Selamat pagi kawan, dan inilah tulisannya. Cekidot.
***
TOS KOLOT
Soca neuteup bari ngagerentes, “Duh gusti, èta damis meuni leucir, pangambung bangir ogè lambey pikabitaeun, soca langkung cureuleuk tur matak iuh kana manah”
Nu diteuteup mah anteng wè nyarios perkawis padamelan ogè murangkalihna nu tos ngawitan lebet ka paguron luhur tIna hasil ngiring selèksi nu saujratna. Teu hilap karier carogèna nu seueur cocobi tapi tiasa ngigelan dugika junun janten pupuhu. Cèrèwèdna teu robih.
“Kang!”
Gebeg tèh, “Muhun” ngawaler bari rada ngarènjag.
“Kunaon sapertos nu malaweung?, ulah seueur èmutan atuh. Da padamelan mah moal aya rèngsèna.”
“Teu aya nanaon nèng, kalèrèsan aya nu hilap di kantor” diwaler bari rada tungkul.
Ngawangkong deui ngalèr ngidul dugika teu karaos acara parantos lekasan.
“Ayeuna mah urang tèh tos karolot, teu kedah ngèmutan nu tos kalangkung. Urang ngarawat kulawargi sèwang-sèwangan, ngatik murangkalih supados janten solèh sholèhah.”
“Amiin.”
Hiji kalimah nu mungkas carita, padahal dada ngaguruh teu puguh rasa.
***
Cemberutnya menggoda / Dokpri.
Itulah jalinan kata bahasa sunda kali ini. Tidak perlu dipikirkan, tapi nikmati saja susunan kata dan hamburan makna yang bisa menghasilkan persepsi berbeda.
Kalau masih roaming karena ini bahasa sunda, tulis di kolom komentar atau japri saja sama saya hehehe. Terima kasih, Wassalam(AKW).
BANDUNG, akwnulis.com. Sebuah kotretan tentang cerita singkat di rumah dinas menuai harapan untuk dilanjutkan. Maksudnya ceritanya dilanjutkan, jika sebelumnya berjudul DITAROS sebuah tulisan fiksimini berbahasa sunda yang dianggap tidak tuntas.
Maka disaat waktu senggang tiba, segera dibuat jalinan kata sebagai kelanjutannya. Inilah dia…
FIKMIN # PANGGIH DEUI #
Panon molotot teu bisa ngiceup, baham calangap euweuh soraan. Nempo hiji mahluk nu keur ngabagèakeun. Tangtunganna jangkung jujul ka lalangit, awak dituruban baju kawas tina karung goni.
Tanggah saeutik, kaciri beungeutna aya dina juru para. Teu bisa dicaritakeun, ngan karasa aya hiji kakuatan nu narik ieu awak jeung jiwa pikeun ngadeukeutan.
Uing nahan awak bari babacaan sabisa-bisa. Tapi kawas aya magnèt nu narik, teu bisa katahan.
Basmalah jeung ayat kursi dipapatkeun tujuh balikan. Èta mahluk kalah nyèrèngèh, “Ngaing nggè bisa nyukitu mah luuur, Yaasiin Walkur aanilhakim….” Èta bacaan ngagorolang tartil. Beuki olohok, geuning jagoan kana ngaji.
Kasieun rada ngorotan, awak ngagèsèr teu dipalirè. Lalaunan beuki deukeut. “Masantrèn dimana Ang?” Sora rada ngageter nguat-nguatkeun manèh.
“Ngurul Huddah Tasik”
Uing curinghak, bangbaluh karasa luluh, kasieun ucul diganti ku rasa syukur.
Nu jangkung badag buluan kandel tèh ditangkeup tipepereket, geuning jin kobong basa baheula keur nyantri kalong. (AKW).
Teu karasa nincak peuting katilu, sarè di imah dines dunungan, Juragan Camat Legok Eurih. Alhamdulillah sarè tibra teu kaburu ngimpi – ngimpi acan.
Padahal basa ngadeuheus rèk makè imah dines tèh, Juragan Camat rada ngahuleng. “Nyaan rèk mondok didinya Jang?” “Sumuhun Bapa”
Uing amit mundur, tuluy mènta tulung ka polpp nu aya di kantor, keur ngabèrèsan imah dines. Mang Idi jeung Kang Sahri papelong-pelong, “Hayu Ang, tapi èta imah tèh geus 10 taun kosong”
Uing teu loba carita, buka panto uluk salam. Kaciri teu kaurus. Tèhel lukutan, ogè di juru balocor. Aya 3 kamar, ngan kamar hareup nu meueusan. Ngangkut mèja rapat wè 2 siki keur risbangna tambah kasur busa diluhurna, jadi kamar bujangan.
Peuting kaopat, jam sabelas karèk anjog ka imah dines rèngsè patroli. Kulutrak muka panto, teu poho uluk salam, “Assalamualaikum!!” Simpè.
Pas ngaliwat ka ruang tèngah aya sora, “Nembè uih a?” “Sumuhun” Uing ngajawab bari olohok. Geuning aya. (AKW).
KOTBAR, akwnulis.com. Hampir sekian purnama tidak menulis genre karangan super singkat berbahasa sunda. Entah apa penyebabnya, tetapi ide menulis lebih condong coretan tentang kopi dan pengalaman dalam perjalanan saja.
Malam ini setelah menguatkan hati dan konsentrasi, hadirkan ide dan memaksa diri menulis kembali 150 kata tentang sebuah cerita. Cerita malam minggu tentang takdir percintaan anak manusia.
Silahkan…
FIKMIN # CURUG JODO #
Teu karasa kukucuprakan geus kana dua jamna. Ti mimiti mapay batu disisi, leumpang ka tengah ogè ngawanikeun manèh nèrèkèl kana gawir sanajan aya tulisan ‘Teu meunang tataèkan.’
Caina nu haneut tina jero beuteung gunung tangkuban parahu, karasa nengtremkeun hatè rajèt dibawa kabur ku Nèng Fani nu minggu kamari jatukrami.
Leumpang ngurilingan curug bari babacaan sabisa-bisa, sugan wè sakumaha ngaranna. Bisa gancang mèrè gantina. Nu ngaliwat marelong, kunaon èta jelema. Geus teu kaitung kukurilingan dina balong leutik nu dingaranan Curug Jodo, ogè tètèrèkèlan dina gawirna.
Mapay cai / doklang.
“Punten Aa, teu kènging naèk kana gawirna” sora teges ngagareuwahkeun. Kaciri dina sasak luhureun aya nu ngabedega, tutunjuk kana plang gigireun.
Uus ukur imut kanjut bari ngolèsèd turun tina gawir. “Punten tèh, teu kaaos seratanna”
Tapi geuning teu cukup kitu waè, petugas tèh nyalukan. Tuluy ngajak ka kantor administrasi da dianggap geus ngalanggar aturan. Nurut wè da rumasa. Nami petugasna Nèng Hasna, geulis kacida. (AKW).
TASIKMALAYA, akwnulis.com. Suku karasa beuki cangkeul basa anjog di basisir Cipatujah. Lain ukur capè ku raga tapi gudawangna hatè teu bisa disumput salindungkeun. Geuning kahayang jeung kanyataan ngadon pasalia.
Basisir Cipatujah / Doklang.
Kamari tèh basa munggaran panggih, nyangka satujuan sakahayang. Uplek ngawangkong bari ngarahul bèntang. Ngusapan candramawat sanajan teu amit ka nini antèh. Gogonjakan nepi janari.
Ngagayuh ka subuh lain kalah tunduh, tapi beuki cènghar jagjag waringkas. Mimitina uplek ngawangkong, tuluy rungkang rongkong, tungtungna naplok jiga bangkong.
Dina mangsa mata poè mucungkul ti tungtung basisir. Kakara sakabèh carita èndah tadi peuting ukur rumpaka. Sabab dina nyatana anjeun geus codèka. Geuning lain wanoja saujratna.
Paingan dina ngusapan candramawat nepika murudul buluna. Da geuning gedè tanaga. Tuluy nyiwit kana kulit, daging ipis ngiluan. Uing ukur seuri mawur. Getih ngucur kabèh tagiwur. Tuur leuleus ibur salembur. (AKW).
akwnulis 