Tag: curuk

CURUK – fbs

Carita rèkaan ukur aya dina implengan.

FIKMIN # CURUK #

Teu pira, pèdah ngangkat telepon hareupeun dunungan, “halow mah, sakedap nuju rapat kènèh”

Gantawang tèh dunungan ngajorowok bari tutunjuk, “Kaluar siah, apal teu urang tèh keur ngabahas nagara?!!”

Babaturan gigireun carolohok, komo barudak OB mah teu sirikna sepa. Padahal bahasanna tèh nasib gaji OB keur taun hareup.

Uing teu gimir, nempo curuk ampir antel kana irung. Nangtung bari melong ka dunungan tapi teu ngomong nanaon. Ukur melong wè. Jadi aya dua jalma nu nangtung dina ieu gempungan. Nu lianna diuk bari teu puguh rarasaan.

“Diuk siah!!” Dunungan nitah bari curuk masih nojo kana beungeut. Uing ngajengjen nantung, bari melong kosong.  Tina samenit nepi ka lima menit, posisi angger. Uing mah nangtung wè. Dunungan masih molotot bari nunjuk. Teu karasa nepi ka opat jamna. Tungtungna gempungan bubar sabab lampuna dipareuman ku satpam da geus liwat tengah peuting. Uing balik bari ngararasakeun suku cangkeul da lila nangtung. Dunungan mah cangkèpèr. (AKW).

CURUK – fbs

Diwaler lepat teu diwaler lepat.

Colok heula / doklang.

CIMAHI, akwnulis.com. Sebuah coretan kata yang hadir dalam suasana pandemi yang semakin tak pasti. Semangatttt dan kita bersatu padu menghadapinya.

Tulisan ringan berbahasa sunda, semoga menghibur.

CURUK – fiksimini basa sunda.

Nèng Rahmi rawah riwih baru jubras jebris, ngadu ka indungna. Pèdah asa dihina ku Jang Opan, babaturan ngajina.

“Kunaon nyai tèh?” Ema na nanya bari reuwas kacida, sieun budak awèwè hiji-hijina digunasika. Nèng Rahmi tungkul bari ngagukguk. Jang Opan ngajanteng hareugeueun, teu puguh peta.

Indungna Rahmi melong ka Jang Opan, “Kumaha ieu kajadianna?”

Jang Opan bari rada geumpeur lalaunan nyarios, “Hapunten Amih, teu pisan – pisan kumawantun ngaheureuyan si Enèng. Mung ngawaler pertarosan wungkul”

“Naroskeun naon Jang?” Ma Onah rada muncereng.

“Muhun, tadi naroskeun kumaha cara panggampilna kanggè ngetès fungsi pangambung tiasa ngangseu atanapi heunteu, dina raraga antisipasi virus covid19 nu nuju nerekab”

“Nya ku abdi tèh, curuk ieu  dicolokkeun kana imbit abdi, teras diantelkeun kana pangambung nèng Rahmi, eh kalah ka ngagoak teras ngababuk raray, naon lepat abdi?”

Ma Onah ngahuleng, curukna dicobi kana imbit nyalira, teras diambuan, “Aduh teu kaangseu…. Nèng hayu anteur rapid tès!!!”

***

Itulah cerita singkat berbahasa sunda kali ini, nanti jikalau waktu dan sempat bersua, maka akan dibuat versi audio dan ditambah penjelasannya dengan bahasa indonesia di channel youtube : @andrie kw. Terima kasih, Wassalam (AKW).